Villamiel

Villamiel Villamiel
Espainiako udalerria
Irudi gehiago
Administrazioa
Estatu burujabe	Espainia
Autonomia	Extremadura
Probintzia	Cáceresko probintzia
Alkatea	Juan Isaac Enrique Gonzalez (en)
Izen ofiziala	Villamiel
Jatorrizko izena	Villamiel
Posta kodea	10...
INEk ezarritako kodea	10210
Herriburua	Villamiel
Geografia
Koordenatuak	40°11′14″N 6°47′05″W / 40.1871°N 6.7848°W / 40.1871; -6.7848
Azalera	73 km²
Altuera	744 m
Mugakideak	Acebo, Hoyos, Cilleros, Valverde del Fresno eta San Martín de Trevejo
Demografia
Biztanleria	379 (2023) −13 (2022)
202 (%53,3)   (%54,1) 205
Dentsitatea	5,19 bizt/km²
Informazio gehigarria
Ordu eremua	UTC+01:00
Matrikula	CC

Villamiel Cáceresko probintziako udalerria da. Cácerestik 115 kilometrora dago. 2008ko erroldaren arabera 696 biztanle zituen 73 km²-ko azaleran.

Probintziaren iparraldean datza eta Portugaleko mugatik hurbil dago eta baita Gaztela Leonetik ere, Salamancatik hain zuzen ere. Beste herri batzuekin, Moraleja eta Hoyos, besteak beste, “Sierra de Gata” deritzon herrialdea eratzen du. 75 kilometro koadroko azalera du gutxi gorabehera .

Geografia eta klima

Villamiel muino bateko tontorrean dago eta handik paisaia izugarria ikus daiteke, mendiz eta zelaiez inguratuta dagoelako. Ekosistema dibertsitate handia aurki dezakegu inguruetan.

Nahiz eta herri hau txikia izan, bere udal-barrutia oso handia da, soroen hedadura izugarriekin, laborantzarako, eta, bai txerri hazkuntzarakoa, bai behi hazkuntzarako erabiltzen direlarik.

Alde honetan, klima epel eta euritsua da. Klimari esker zelaiak emankorrak dira eta barazki eta fruitu barietate handia dago, baina bertako ardo eta koipearengatik, batez ere, ezaguna da.

Demografia

Gaur egun 700 biztanle inguru dauka, nahiz eta gehienak adineko pertsonak diren. Gero eta jende gutxiago bizi da herrian, gazteek nahiago dutelako kanpora joatea ikastera edo lan egitera, herrian, nekazaritzan aritzea baino. Hala eta guztiz ere, nahiz eta hau egungo joera izan, lehen oso desberdina zen. 50. eta 60. hamarkada arte, herri nahiko handia zen 2300 biztanle gutxi gorabehera zeukalako. Gero populazioa jaisten hasi zen eta gazte gehienek emigratu zuten, batez ere Kataluniara, Madrilera eta Euskadira, bertan industria baitzegoen.

Harrezkero, urtero abuztuaren lehenengo larunbatean “El dia del emigante” deritzon eguna ospatzen da, herritik at joan ziren pertsonei omenaldi bat eginez.

Ospakizunak

Villamielentzat bere ohiturak eta kultura mantentzea oso inportantea da eta hori lortzen du urtero bere jaiak ospatuz. Lehen aipatutako egunaz gain, beste jai batzuk ospatzen ditu eta aipagarrienak hurrengoak dira:

• Uztailaren 25ean herriko nagusi jaiak dira
• Maiatzaren 19an San Pedro Celestino eguna da
• Azaroaren 21ean La Piedad Birjina da.

Turismo ekimenak

Azken urte hauetan, Villamiel berriro suspertzen hasi da. Alde batetik nekazal turismo etxe batzuen irekierari esker, lasaitasuna eta erosotasuna eskaintzen dute. Beste aldetik, herrialdeko turismoaren sustapenagatik, Villamielek ondare historikoa baitu . Aipagarriak dira bere gaztelua, gaur egun haren hondarrak baino ez dituenak, eta bere galtzada erromatarra, besteak beste.

Lasaitasuna bilatzen dutenentzat edo ondo jan nahi dutenentzat, Villamiel oso aukera ona da.

Kanpo estekak

• (Gaztelaniaz) Villamielgo Udalaren webgunea

• Datuak: Q1613433
• Multimedia: Villamiel / Q1613433