Tokikom
Tokikom, tokiko komunikabideen bateragunea, 2012an sortutako irabazi asmorik gabeko sozietate mugatua da, euskarazko tokiko hedabideak sustatzea helburu duena.
Jatorria eta bazkideak
Tokikomen sortzaileak Topagunean federatutako toki komunikabideak dira. Krisi ekonomikoak komunikabideon zeukan eragin negatiboa, erakundeekiko harremanak bizkortu beharra, eta garaian sortze prozesuan aro zen Hekimen, euskal hedabideen elkartearen sorrera prozesua ere erraztu eta bizkortu beharra ikusita, Euskaltzaleen Topaguneak eta haren hedabide saila osatzen zuten 20 bazkidek, sail horri ahots eta izaera juridiko propioa ematea erabaki zuten.
Horrela, Tokikom elkarte mugatua eratu zuten, 2012ko martxoan, aipatutako 20 hedabideak eta Topagunea bera bazkide zituela. Sorrera fasean Topagunearekiko lotura bermatzeko, artean haren presidentea zen Mikel Irizar izendatu zuten Tokikomeko presidente. Kargu hori Urko Aristi kazetariak hartu zuen 2014an, Araitz-Beteluko Mailope hilabetekariaren ordezkari gisa, eta Jone Guenetxeak 2017an, Durangaldeko Anboto astekariaren izenean.
Toki komunikabideak
Hauek dira Tokikom sareko toki komunikabideak:[1]
- 28 kanala
- Aiaraldea
- Aikor
- Aiurri
- Alea
- Amezti
- Anboto
- Antxetamedia
- Ataria
- Barren
- Begitu
- Erran
- Euskalerria Irratia
- Geuria
- GiTB
- Goiena
- Guaixe
- Hiruka
- Karkara
- Kortezubi
- Kronika
- Maxixatzen
- Nabarniz
- Uriola
- Uztarria
Erreferentziak
- ↑ «TOKIKOM - Toki komunikabideen mapa» tokikom.eus 2015-01-19 (Noiz kontsultatua: 2023-03-24).
Kanpo estekak
- "TOKIKOM, toki komunikabideen bateragunea"
- "TOKIKOMeko kide diren komunikabideen zerrenda eta mapa"
| Autoritate kontrola |
|
|---|
Datuak: Q16518982
