Le Chat Noir

Le Chat Noir
Irudi gehiago
Kokapena
Udalerrien arteko lankidetzarako erakunde publikoa	Paris Handiko metropolia
Territorial collectivity of France with special status	Paris
Koordenatuak	48°53′01″N 2°20′03″E / 48.88359°N 2.33413°E / 48.88359; 2.33413
Inaugurazioa	1881eko azaroaren 18a

Le Chat Noir (euskaraz, katu beltza), Paris hiriko Montmartre auzo bohemioan zegoen XIX. mende amaierako kabaret bat izan zen. 1881eko azaroaren 18an Rochechouart boulevardean Rodolphe Salis^[1] artistak inauguratu zuen, eta 1897an itxi zuten (1900ko Erakusketa Unibertsalean bertaratzeko asmoz joan ziren Picasso eta beste hainbaten atsekaberako).

Kabareta hainbat ikuskizun izateagatik ospetsu bilakatu zen: Aristide Bruant kantautorearen ekitaldiak, Rodolphe Salis eta Henri Rivièrek sortutako txinatar itzalen antzerkia, eta euren ohiko bezeroen artean artista eta jende garrantzitsu asko egon ohi ziren.

Gaur egun ostalaritzako egoitza askok bere izena daramate, adibidez Parisko Chat noir taberna, Bruselako Au chat noir jatetxea, Greziako Corfu hiriko Le Chat Noir kafetegia, Buenos Aires hiriko El Gato Negro kafetegia, eta abar.

Kabaret honetan ohikoak izan ziren hainbat bezero ospetsu:

• Alphonse Allais (1854-1905), idazle eta umorista.
• George Auriol (1863-1938), kantagile, olerkari eta margolaria.
• Aristide Bruant (1851-1925), kantagilea.
• Caran d'Ache (1858-1909), errusiar jatorriko karikaturagilea.
• Coquelin Cadet (1848-1909), antzerkiko aktorea.
• Émile Cohl (1857-1938), marrazki bizidunen sortzailea.
• Charles Cros (1842-1888), olerkaria eta asmatzailea.
• Claude Debussy (1862-1918), konposatzailea.
• Maurice Donnay (1859-1945), dramagilea.
• André Gill (1840-1885), karikaturagile eta kantagile umoristikoa.
• Émile Goudeau (1849-1906), kazetari, eleberri idazle eta olerkaria.
• Yvette Guilbert (1867-1944), abeslaria.
• Jules Laforgue (1860-1887), uruguaiar jatorriko frantziar olerkaria.
• Louis Le Cardonnel (1862-1936), olerkaria.
• Jean Richepin (1849-1926), herri olerkaria, eleberri idazlea eta argeliar jatorriko antzerkigilea.
• Guy de Maupassant (1850-1893), eleberri idazlea.
• Henri Rivière (1827-1883), idazle eta kazetaria.
• Maurice Rollinat (1846-1903), olerkaria.
• Albert Samain (1858-1900), olerkaria.
• Erik Satie (1866-1925), konposatzaile eta pianista.
• Paul Signac (1863-1935), margolaria.
• August Strindberg (1849-1912), idazle eta dramagile suediarra.
• Paul Verlaine (1844-1896), olerkaria.
• Adolphe Léon Willette (1857-1926), margolaria, ilustratzailea eta karikaturagilea.

Bibliografia

• Autour du Chat Noir, Maurice Donnay. Bernard Grasset. París, 1926.

Iruditegia

• 
  Alphonse Allais
• 
  Aristide Bruant
• 
  Maurice Donnay
• 
  André Gillautorretrato
• 
  Yvette GuilbertToulouse-Lautrecen margoa
• 
  Guy de Maupassant
• 
  Maurice Rollinat
• 
  Paul Verlaine

Erreferentziak

Kanpo estekak

• Datuak: Q1138922
• Multimedia: Le Chat Noir / Q1138922