Floyd Patterson

Floyd Patterson
Irudi gehiago
Bizitza
Jaiotza	Waco (Texas), 1935eko urtarrilaren 4a
Herrialdea	Ameriketako Estatu Batuak
Heriotza	New Paltz (en) , 2006ko maiatzaren 11 (71 urte)
Heriotza modua	berezko heriotza: prostatako minbizia
Hezkuntza
Heziketa	New Paltz High School (en)
Jarduerak
Jarduerak	boxeolaria
Parte-hartzailea 1952ko Udako Olinpiar Jokoak
Entrenatzailea	Cus D'Amato (en)
Altuera	183 zentimetro

Floyd Patterson (Waco, Ipar Carolina, AEB, 1935eko urtarrilaren 4a - New Paltz, New York, AEB, 2006ko maiatzaren 11) estatubatuar boxeolaria izan zen; munduko eta Olinpiar Jokoetako txapeldun.

Biografia

Haurra zela familia Brooklynera joan zen bizitzera. Gaztetan Wiltwyck Schoolera bidali zuten ikasketak egitera, eta boxeoa ere eskolan ikasi zuen. New Yorkera itzuli zenean, Golden Gloves lehiaketa ospetsuan parte hartu zuen, eta pisu ertaineko txapeldun izan zen 1951 eta 1952. urteetan.

1952ko Olinpiar Jokoetan Helsinkin (Finlandia) borrokaldi guztiak irabazi zituen, eta horren ondoren profesional egin zen. Profesional gisa, bere lehenengo 36 borroketatik bakarra galdu zuen.

1956an, Archie Moore mendean hartuta, pisu astuneko munduko txapeldun izan zen, pisu astunen historiako txapeldun gazteena, profesionaletako titulua lortzen zuen lehenengo olinpiar txapelduna.

Lau aldiz defendatu zuen titulua, 1959an Ingemar Johansson suediarraren aurrean galdu baino lehen. Urtebete geroago bost borrokalditan menderatu zuen Johansson, eta pisu astuneko titulua galdu ondoren berriro irabazten zuen lehenengo boxeolaria izan zen. Zenbait borrokalditan defendatu zuen titulua, Sonny Listonen aurrean galdu baino lehen (1962).

1972an Muhammad Aliren kontra borrokatu zen, eta galtzaile atera zen. Hura izan zuen azken borroka.

Wikimedia Commonsen badira fitxategi gehiago, gai hau dutenak: Floyd Patterson

Erreferentziak

• Datuak: Q314051
• Multimedia: Floyd Patterson / Q314051