Ellis uhartea

Ellis Island Gune Historikoen Erregistroa (Ameriketako Estatu Batuak) Monumentu Nazionala (Ameriketako Estatu Batuak)
Ellis Island uharteko museoa.
Geografia
Kokapena	New Yorkeko badia New Jersey New York
Uhartedia	Hebrida uharteak
Azalera	0,24 km²
Punturik garaiena	2,1 metro
Politika
Herrialdea	Ameriketako Estatu Batuak
Gizartea

Ellis Island edo Ellis Uhartea Ameriketako Estatu Batuetako New York hiriko portutik hurbil dagoen uharte txiki bat da. 1892 eta 1954 bitartean Ameriketako Estatu Batuetara sartu behar zuten emigrante ugariren derrigorrezko igaroleku eta sarbidea izan zen (gehienak Europakoak), haien artean baita euskal etorkin ugarirena ere, ondorioz denboraldi horretan zehar bertatik 12 milioi pertsona inguru iragan ziren. Erritmorik handiena 1905 eta 1914 artean izan zen, batez beste urtero milioi bat pertsona iristen zelarik.

1965eko maiatzaren 11an Askatasunaren Estatuarekin batera Monumentu Nazionala izendatu zuten.

Gaur egun New York eta New Jersey estatuen jabetza da eta bertan emigrantearen museoa kokatzen da.

Immigrazio urteak

Hasieran, etorkin gehienak Europako iparraldetik eta mendebaldetik iristen ziren, kopuru handienen jatorria Alemaniar Inperioa, Errusiako Inperioa, Finlandia, Erresuma Batua (Irlanda eta Gales) eta Italia izan zirelarik. Kontuan hartu behar dira, alde batetik, 1905eko Errusiako Iraultza eta Italiaren bateratzea (herrialdeko hegoaldea gainpopulaturik) eta bestetik, Lehen Mundu Gerra bera.

Osasun arreta

Uhartean ospitalea eraiki zuten garai hartan izaten zen moduan, pabilioiekin, berrogeialdiak egin ahal izateko. Artatze medikoak metodikoak baina azkarrak izaten ziren, etorkin kopuru handiak kontuan hartuta. Miaketa fisikoa egin ostean, klarionaz letra batzuekin markatzen zituzten, gaixotasunen arabera:

B (Back, bizkarreko arazoak), C (Conjunctivitis), TC (Trachoma, korneako gaixotasun kutsakorra zen trakoma), E (Eyes, begietako beste arazo batzuk), F (Face,aurpegia), FT (Feet, oinak), G (Goiter, goloa), H (Heart, bihotzeko arazoak), K (Hernia), L ( Lameness, herrentasuna), N (Neck, lepoko arazoak), P (Physical and Lungs, biriketako arazoak), PG (Pregnancy, haurdunaldia), S (Senility, zahardadea), SC (Scalp, buruko azalean ezkabia modukoa) eta X (buruko gaixotasunak).

Ikus, gainera

• Ameriketako Estatu Batuetako historia (1865-1918)
• Irlandako Gosete Handia

Iruditegia

• 
  Uhartearen kokapen mapa.
• 
  2010an Euskal etorkinei burututako omenaldia Askatasunaren Estatuaren itzalpean.
• Emigranteen lurrartzea Ellis Island uhartean (bideoa).
• 
  Emigranteek arakatuak ohi ziren aretoa.
• 
  Gaur egun emigranteen museoa den eraikin nagusia.

Kanpo estekak

• Ellis Island uharteari buruzko orrialdea (Ingelesez)
• Ellis Island uhartearen historiari buruzko artikulua Argian

• i
• e
• a

Manhattango (New York) auzoak

Alphabet City  • Ansonia  • Battery Park City  • Bowery  • Carnegie Hill  • Central Harlem  • Chelsea  • Chinatown  • Civic Center  • Columbus Circle  • Cooperative Village  • Diamond District  • East Harlem  • East Village  • Ellis Island  • Financial District  • Five Points  • Flatiron  • Garment District  • Governors Island  • Gramercy Park  • Greenwich Village  • Hamilton Heights  • Harlem  • Hell's Kitchen  • Herald Square  • Hudson Heights  • Inwood  • Kips Bay  • Koreatown  • Liberty Island  • Lincoln Square  • Little Germany  • Little Italy  • Little Spain  • Loisaida  • Lower East Side  • Lower Manhattan  • Madison Square  • Manhattan Valley  • Manhattanville  • Marble Hill  • Meatpacking District  • Midtown  • Morningside Heights  • Murray Hill  • NoHo  • NoLIta  • Peter Cooper Village  • Radio Row  • Randall's Island  • Roosevelt Island  • San Juan Hill  • SoHo  • South Street  • Stuyvesant Town  • Sugar Hill  • Sutton Place  • Tenderloin  • Theater District  • Times Square  • Tribeca  • Tudor City  • Turtle Bay  • Two Bridges  • Union Square  • Upper East Side  • Upper Manhattan  • Upper West Side  • Ward's Island  • Washington Heights  • West Harlem  • West Village  • Yorkville