Beisbola Euskal Herrian

Beisbola Euskal Herrian kirol praktikatuenen artean ez badago ere, badira Euskal Herrian talde aipagarri batzuk^[1]; hauexek dira lurraldez lurralde^[2] 2009an zeuden guztiak:

Araba

Arabama Gasteiz BSC.
Bengalíes taldea sortu zen Laudion 2009-2010 denboraldian.

Bizkaia

San Inazio Beisbol Elkartea: Bilbokoa; Bizkaiko talde nagusia da, egun Espainiako Ohorezko mailan ari da. Errekaldeberri auzoko Fango kiroldegian jokatzen du. Izena eman dion auzoan sortu zen 1950eko hamarkadan^[3].
SD Iturrigorri: Bilbokoa; 2. mailan ari da. Hori ere Fangon aritzen da.
Club Getxo Béisbol.
Getxoko Hartzak.

Gipuzkoa

Club Atlético San Sebastián: Donostiakoa.
Club Béisbol Gipuzkoa: Hondarribikoa.
Orioko Bate Bizkorrak (OBB): Oriokoa.
CSB San Marcial: Irungoa.
SD Urola: Zumarragakoa.

Lapurdi

Les Gambas: Angeluko Giroeta (Girouette) zelaian aritzen da; Lapurdiko kostaldeko herri askotako eta aurreko esperientzietan^[4] aritutakoak biltzen ditu 2006tik gutxi gorabehera^[5]. Rookie League Aquitaine delakoan jolasten da.

Nafarroa

Béisbol Navarra: Iruñeko talde nagusi bietako bat, Amaya, Arga eta Irabia klubek elkarrekin bultzatutako proiektua da; hiru izen horiek mantentzen dituzte beheragoko kategorietan dauden taldeek. Espainiako Ohorezko mailan dago.
Club Deportivo Pamplona: hiriburuko beste talde nagusia. Hark ere Espainiako Ohorezko mailan dihardu.
Ciudad Deportiva Amaya.
Club Deportivo Arga.
Club Atlético Deportivo Irabia: 1968tik^[6] izen hori daraman ikastetxean hasia, 1979an Nafarroako lehen beisbol zelaia egin zuen taldea da.

Talde horiek guztiak Iruñerrikoak dira eta urte luzeetako eskarmentua dute; gehienbat bi zelaitan aritzen dira: Iruñeko Belosobeiti auzoko CD Amayako “José Aguadero”^[7] Beisbol Zelaia (zelai nagusia da, baina uholde batzuek kalte egin diote) eta Burlatako El Soto kirol-gunean dagoena. Azkenik, garai batean herrialdeko onena izan bazen ere, Aldapa taldeak ez du segitzen.

Erreferentziak

↑ 2009-2010 denboraldian espainiar estatuko Ohorezko mailako 10 taldeetatik 3 euskaldunak dira.
↑ 2009an Federazioetako webguneetan egindako kontsulten arabera; agertzen diren talde batzuek gazte mailan baino ez dituzte ekipoak edo taldea ateratzeko zailtasunak dituzte baina gutxienez Federazioetan izena emanda daude.
↑ Klubaren historia espainieraz bere webgunean.
↑ les Cats 1980ko hamarkadan, les Scuds 1990eko hamarkadan, les Atlantes 2000n sortuak...denak desagertu zirenak.
↑ Azalpena frantsesez taldearen webgunean.
↑ Klubaren historia espainieraz bere webgunean.
↑ Kirol hau gehien bultzatu zuenetako baten izena.

Ikus, gainera

Beisbola

Kanpo estekak

CD Pamplonako beisbol taldearen historia.
(Gaztelaniaz) EAEko Beisbol eta Sofbol Federazioa; euskarazko bertsioa ez dabil.
(Gaztelaniaz) Nafarroako Beisbol eta Sofbol Federazioa.
(Frantsesez) Rookie League Aquitaine-ko webgunea.